天空海闊 是這樣大
可憐胸襟未算大
看到世俗要將愛活埋把它分界
令我極費解 (但我會跟你表態)

淚似簾外雨 點滴到天明
再看妳的身影一刻我的心已很高興
空房冷冰冰 山伯孤零零
唯有忘記這刻一起化蝶代替哭聲
繼續躲在花內談情

我真係覺得好對唔住，我唔應該咁樣諗你更加唔應該咁樣怪你，我唔清楚你呢幾日發生左咩事就亂咁諗野，我無細心咁諗清楚成件事ge 因由就講埋Ｄ 咁ge 野，你嬲我都係為我好但我就仲Ｏ係度怪你增添你ge 煩惱，我覺得我真係太對你唔住我覺得我無面目面對你........

做完功課先黎病，嚴格黎講應該唔係做功課，係plagiarize 功課。我不嬲半年就長病一次，上一次係舊年十月，E+ 病都差唔多係時候，仲諗住可以趁最後呢個月玩下同溝o下女，無啦，諗定番香港點死仲好啦，仲有個internship 同ielts 等緊我....... 番左去就以後唔駛同唔正常嘅人一齊住，大家唔會明有幾難頂架啦，好似我Ｅ＋ o係living room度打緊xanga，身邊就有個台灣人o係我身邊講緊火星話，救命，等我唔應佢先，希望佢feel 到我唔理佢啦。

係呀，我下個月廿七號番黎啦，掛住左好耐的凍奶茶、波羅油、太興叉雞飯、曲奇底蛋撻、魚蛋河、旺記芒果烏冬、仲有好多好多都終於近在咫尺啦。師妹你好可惡，竟然話我音訊全無，人地懶online ja ma，做咩咁話我wor，番到黎先搵你算數。

哎太好啦，台灣人終於feel 到我唔理佢無再講野lu，病情即刻好轉呀。



今晚歐聯決賽，車路士你要加油，聯賽輸就相當合理，因為曼聯同阿仙奴都打得比車路士好。歐聯就唔同咁講，每次主場都真係打得好。車路士，我九九年七月睇到你E+ 啦，都係等你做歐洲冠軍ja。二千年八強一度領先三球最後都輸番比巴塞，零三年四強比伊巴華果球手球打敗，零五同零七又連續兩次輸比利物浦，等左咁耐今年到你攞啦掛。

呢幾日沉迷聽薛凱琪Ｄ 歌，應該係薛凱琪癮復發，特別記得南瓜車呢兩句歌詞：

良辰 如沒有權續借
自行 回家不必撒野